Muhammed ﷺ Maz'har e Kaamil hai

Muhammed maz'har e Kaamil hai Haq ki shaan Izzat ka
Nazar Ata hai is kasrat mei kuch andaaz wahdat ka

Yahi hai asl Aalam Maddah ijaad e Khalkat ka
Yaha wahdat mei barpa hai ajab hungama kasrat ka


Ghada bhi muntazir hai khuld mei neiko ki dawaat ka
Khuda din khair se laae sakhi ke ghar ziyafat ka

Gunnah maghfur, Dil roshan, khunk aankhein, Jigar Thanda
Ta'ala Allah!, Maah e Taiba Alam teri Tal'at ka

Na rakhi Gul ke josh e husn ne Gulshan mei jaan baki
Chatakta phir kaha ghuncha koi baag e Risalat ka

Barha ye Silsila Rehmat ka Daur e Zulf e Wala mei
Tasalsul kaale koso rehgaya issiya ki Zulmat ka

Sirf Maatam utthe, Khaali ho zindaa(n), tute(n) zanjire
Gunehgaaro! Chalo Maula ne dar khola hai Jannat ka

Sikhaya hai yeh kis Ghustakh ne aaine ko ya Rab
Nazara Rue Jana(n) ka Bahana karke Hairat ka 

Idhar Ummat ki Hasrat par udhar Khaliq ki rehmat par
Nirala Taur hoga Gardish e Chasm e Shafa'at ka

Barhe is darja mauje Kasrat e Afzaal e waala ki
Kinara Milgaya is Neher se Darya e Wahdat ka

Khum e Zulf e Nabi Saajid hai Mehraab e Do Abru mei
Ke Ya Rub tu hi Waali hai siya karaan e Ummat ka

Madad Ae Joshish e Girya bahade Kunwa aur Sehra
Nazar Aajae Jalwa be hijaab us paak Turbat ka

Yakeen hai Waqt e Jalwa Lagzish e pae nigah pae 
Mile Joshe Safa e Jism se Paabos Hazrat ka 

Yaha Chhirka Namak wa Marham e Kafoor haath aya
Dil e Zakhmi Namak Parwarda hai kiski malahat ka

Ilaahi Muntazir hun woh Khiraam e Naaz Farmaae
Biccha rakha hai farsh aankhon ne kumkhwaab e basarat ka

Na ho AQA ko Sajda Adam o Yusuf ko Sajda ho
Magar sidd e Zara'e daab hai apni shari'at ka

Zubaan e Khar kis kis dard se unko sunaati hai
Tarapna Dasht e Taiba mei Jigar afghaar furqat ka

Jinhe Marqad mei ta Hashr Ummati kehke Pukaroghe
Hume bhi kaad karlo unmei Sadqa Apni Rehmat ka

Woh Chamke bijliya ya Rub tajalli hai jana(n) se
Ke chasm e Tuur ka surma ho Dil e Mushtaq ruyat ka

Raza e Khasta! Josh e bahr e isiya se na ghubrana
Kabhi to Haath ajaegha Daaman unki rehmat ka