Banda Milne ko Qareeb e Hazrat e Qaadir Gaya

Banda Milne ko Qareeb e Hazrat e Qaadir Gaya
Lam'ae Batin mei gumne Jalwa e Zahir gaya

Teri Marzi paagaya Suraj phira ulte Qadam
Teri Ungli Uthgai Maah ka kaleja chirgaya


Barh Chali teri Zia Andhere Alam se Gataa
Khul gaya Gaisu tera Rehmat ka baadal Gir gaya

Bandh gai teri hawa, saawa mei khaak urne lagi
Barh Chali teri ziya aatish pe paani phir gaya

Teri Rehmat se Safiullah ka Baira paar tha
Tere Sadqe mei Najiullah ka Bajra tir gaya

Teri Aamad thi ke Baitullah Mujhre ko jhuka
Teri Haibat thi ke har buut thar thara kar girgaya

Momin unka kya hua Allah uska hogaya
Kafir unse kya phira Allah hi se phir gaya

Woh ke us dar ka hua, Khalq e Khuda uski hui
Woh ke us dar se phira Allah usse phir gaya

Mujhko deewana batate ho mei woh hushyaar hun
Paau jub touf e Haram mei thak gae sir phir gaya

Rehmatul lil alameen aafat mei hun kaisi karu
Mere Maula mei to is Dil se balaa mei ghir gaya

Mei tere Haathon ke Sadqe kaisi kankarya thi woh
Jinse itne kaafiron ka Daf'atan muu phir gaya

Kyu Janaab e Bu Huraira tha woh kaisa Jaam e sheer
Jisse Sattar (70) Saahibo ka duudh se muu phir gaya

Waasta pyaare ka aisa ho ke jo Sunni mare
Yun na farmae tere Shahid ke woh faajir gaya

Arsh pe dhuum e macche wo momin e Swaleh mila
Farsh se maatam utthe wo Tayyab o Tahir gaya

Allah Allah yeh Ulluvi Khaas Abdi'at Raza
Banda Milne ko Qareeb e Hazrat e Qaadir Gaya

Thhokar e Khaate phiroge Un ke Dar pe pare raho
Qafila to Ai Raza Awwal gaya Aakhir gaya