Lutf Unka Aam Ho hi Jaega

Lutf unka aam ho hi jaega
Shaad har nakaam ho hi jaega

Jaan dedo waada e deedar pe
Naqd apna daam ho hi jaega


Shaad hai Firdous Yaa'ni ek din
Qismat e Khuddam ho hi jaega

Yaad reh jaengi ye be baakia
Nafs tu to raam ho hi jaega

Be Nishaano ka Nishaa(n) mitta nahi
Mitte Mitte Naam ho hi jaega

Yaad e Gessu Zikr e haq hai Aah kar
Dil mei paida Laam ho hi jaega

Ek din awaaz badlenge ye saaz
Chehchaha Kohraam ho hi jaegha

Saailo! Daaman sakhi ka thaam lo
Kuch na kuch in'aam ho hi jaega

Yaad e Abru karke Tarpo Bulbulo!
Tukre tukre daam ho hi jaega

Mufliso! unki gali mei jaa paro
Baagh e Khuld ikraam ho hi jaega

Gar yunhi rehmat ki taawilein rahi
Maddah har ilzaam ho hi jaega

Baada khwaari ka samaa bandhne to do 
Sheikh durood Aashaam ho hi jaega

Ghum to inko bhuul kar lipta ha yun
Jaise apna kaam ho hi jaega

Mit! ke gar yunhi raha Qarz e hayaat
Jaan ka neelam ho hi jaega

Aaqilo! unki nazar seedhi rahe
Booro(n) ka bhi kaam ho hi jaega

Ab to laai hai shafa'at affu per
Barhte barhte aam ho hi jaega

Ae Raza har kaam ka ik waqt hai
Dil ko bhi Aaraam ho hi jaega